Oṃ keśavāya svāhā | oṃ nārāyaṇāya svāhā | oṃ mādhavāya svāhā Oṃ govindāya namaḥ | oṃ viṣṇave namaḥ | oṃ madhusūdanāya namaḥ | oṃ trivikramāya namaḥ | oṃ vāmanāya namaḥ | oṃ śrīdharāya namaḥ | oṃ hṛṣīkeśāya namaḥ | oṃ padmanābhāya namaḥ | oṃ dāmodarāya namaḥ | oṃ saṅkarṣaṇāya namaḥ | oṃ vāsudevāya namaḥ | oṃ pradyumnāya namaḥ | oṃ aniruddhāya namaḥ | oṃ puruṣottamāya namaḥ | oṃ adhokṣajāya namaḥ | oṃ nārasiṃhāya namaḥ | oṃ acyutāya namaḥ | oṃ janārdanāya namaḥ | oṃ upendrāya namaḥ | oṃ haraye namaḥ | oṃ śrīkṛṣṇāya namaḥ

Śuklāmbaradharaṃ viṣṇuṃ śaśivarṇaṃ caturbhujam Prasannavadanaṃ dhyāyet sarvavighnopaśāntaye

Oṃ bhūḥ --------- suvarom

Mamopātta-samasta-duritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye

Ābrahmalokādāśeṣāt ālokālokaparvatāt Ye vasanti dvijā devāstebhyo nityaṃ namo namaḥ

Pṛthivyā merupṛṣṭha ṛṣiḥ | sutalaṃ chandaḥ | kūrmo devatā | āsane viniyogaḥ

Pṛthvi tvayā dhṛtā lokā devi tvaṃ viṣṇunā dhṛtā Tvaṃ ca dhāraya māṃ devi pavitraṃ cāsanaṃ kuru

Āgamārthaṃ tu devānāṃ gamanārthaṃ tu rakṣasām Ghaṇṭāravaṃ karomyādau devatāhvānakāraṇam

Asmin haridrābimbe śrīvighneśvaraṃ dhyāyāmi

Agajānānapadmārkaṃ gajānanamaharniśam Anekadaṃ taṃ bhaktānām ekadantamupāsmahe

Śrīvighneśvaram āvāhayāmi | āsanaṃ samarpayāmi | pādayoḥ pādyaṃ samarpayāmi | arghyaṃ samarpayāmi | ācamanīyaṃ samarpayāmi | madhuparkaṃ samarpayāmi | snānaṃ samarpayāmi | ācamanīyaṃ samarpayāmi | vastraṃ samarpayāmi | upavītaṃ samarpayāmi | divya-parimala-gandhān dhārayāmi | akṣatān samarpayāmi | puṣpaiḥ pūjayāmi

Sumukhāya namaḥ

Ekadantāya namaḥ

Kapilāya namaḥ

Gajakarṇakāya namaḥ

Lambodarāya namaḥ

Vikaṭāya namaḥ

Vighnarājāya namaḥ

Vināyakāya namaḥ

Dhūmaketave namaḥ

Gaṇādhyakṣāya namaḥ

Phālacandrāya namaḥ

Gajānanāya namaḥ

Vakratuṇḍāya namaḥ

Śūrpakarṇāya namaḥ

Herambāya namaḥ

Skandapūrvajāya namaḥ

Siddhivināyakāya namaḥ

Śrīmahāgaṇapataye namaḥ

Dhūpamāghrāpayāmi | dīpaṃ darśayāmi | naivedyaṃ nivedayāmi | karpūranīrājanaṃ darśayāmi | samastopacārapūjāṃ samarpayāmi

Vakratuṇḍa mahākāya sūryakoṭi samaprabha Avighnaṃ kuru me deva sarva kāryeṣu sarvadā

Oṃ bhūḥ --------- suvarom

Śrīvighneśvarāya namaḥ yathāsthānaṃ pratiṣṭhāpayāmi | śobhanārthe kṣemāya punarāgamanāya ca

Gaṅge ca yamune caiva godāvari sarasvati Narmade sindhu kāveri jale'smin sannidhiṃ kuru

Gaṅgāyai namaḥ | yamunāyai namaḥ | godāvaryai namaḥ | sarasvatyai namaḥ | narmadāyai namaḥ | sindhave namaḥ | kāveryai namaḥ

Tvaṃ purā sāgarotpanno viṣṇunā vidhṛtaḥ kare Devaiśca pūjitaḥ sarvaiḥ pāñcajanya namo'stu te

Deho devālayaḥ prokto jīvo devaḥ sanātanaḥ Tyajāmyajñānanirmālyaṃ so'haṃbhāvena pūjaye

Oṃ sakalaguṇātmaśaktiyuktāya yogapīṭhāya namaḥ | oṃ ādhāraśaktyai namaḥ | oṃ mūlaprakṛtyai namaḥ | oṃ ādivarāhāya namaḥ | oṃ ādikūrmāya namaḥ | oṃ anantāya namaḥ | oṃ pṛthivyai namaḥ | oṃ ādityādi-navagrahadevatābhyo namaḥ | oṃ daśadikpālebhyo namaḥ

Gururbrahmā gururviṣṇur gururdevo maheśvaraḥ Guruḥ sākṣāt paraṃ brahma tasmai śrīgurave namaḥ

Śrīguruṃ dhyāyāmi

Caturbhirdadhatīṃ devīṃ candrabimba-samānanām Vallabhāmakhilārthānāṃ vallakīvādanapriyām

Bhāratīṃ bhāvaye devīṃ bhāṣāṇāmadhidevatām Bhāvitāṃ hṛdaye sadbhirbhāminīṃ parameṣṭhinaḥ

Caturbhujāṃ candravarṇāṃ caturānanavallabhām Āvāhayāmi vāṇi tvāmāśritārti-vināśinīm

Āsanaṃ saṅgṛhāṇedamāśrite sakalāmaraiḥ Ādṛte sarvamunibhirārtide suravairiṇām

Pādyamādyantaśūnyāyai vedyāyai vedavādibhiḥ Dāsyāmi vāṇi varade devarājasamarcite

Aghahantri gṛhāṇedam arghyamaṣṭāṅgasaṃyutam Ambākhilānāṃ jagatām ambujāsanasundari

Ācamyatāṃ toyamidamāśritārthapradāyini Ātmabhūvadanāvāse ādhihāriṇi te namaḥ

Madhuparkaṃ gṛhāṇedaṃ madhusūdanavandite Mandasmite mahādevi mahādevasamarcite

Pañcāmṛtaṃ gṛhāṇedaṃ pañcānanasamarcite Payodadhighṛtopetaṃ pañcapātakanāśini

Namaste haṃsavāhinyai namaste dhātṛpatnike Gandhodakena sampūrṇaṃ snānaṃ ca pratigṛhyatām

Sādhvīnāmagrato gaṇye sādhusaṅghasamādṛte Sarasvati namastubhyaṃ snānaṃ svīkuru samprati

Dukūladvitayaṃ devi duritāpahavaibhave Vidhipriye gṛhāṇedaṃ sudhānidhisamaṃ śive

Upavītaṃ gṛhāṇedamupamāśūnyavaibhave Hiraṇyagarbhamahiṣi hiraṇmayaguṇaiḥ kṛtam

Varṇarūpe gṛhāṇedaṃ svarṇavaryapariṣkṛtam Arṇavoddhṛtaratnāḍhyaṃ karṇabhūṣādibhūṣaṇam

Vinyastaṃ netrayoḥ kāntyai sauvīrāñjanamuttamam Saṅgṛhāṇa suraśreṣṭhe vāgīśvari namo'stu te

Kuṅkumāñjana-sindūra-kañcukādikamambike Saubhāgyadravyamakhilaṃ suravandye gṛhāṇa me

Andhakāripriyārādhye gandhamuttamasaurabham Gṛhāṇa vāṇi varade gandharvaparipūjite

Akṣatāṃstvaṃ gṛhāṇemān ahatānamarārcite Akṣate'dbhutarūpāḍhye yakṣarājādivandite

Punnāga-jātī-mallyādi-puṣpajātaṃ gṛhāṇa me Pumarthadāyini pare pustakāḍhya-karāmbuje

Vande padmakarāṃ prasannavadanāṃ saubhāgyadāṃ bhāgyadāṃ Hastābhyāmabhayapradāṃ maṇigaṇairnānāvidhairbhūṣitām Bhaktābhīṣṭaphalapradāṃ hariharabrahmādibhiḥ sevitāṃ Pārśve paṅkajaśaṅkhapadmanidhibhiryuktāṃ sadā śaktibhiḥ

Sarasijanilaye sarojahaste dhavalatamāṃśukagandhamālyaśobhe Bhagavati harivallabhe manojñe tribhuvanabhūtikari prasīda mahyam

Guggulāgaru-kastūrī-gorocana-samanvitam Dhūpaṃ gṛhāṇa deveśi bhaktiṃ tvayyacalāṃ kuru

Kāmadhenusamudbhūta-ghṛtavarti-samanvitam Dīpaṃ gṛhāṇa kalyāṇi kamalāsanavallabhe

Naivedyaṃ ṣaḍrasopetaṃ śarkarāmadhusaṃyutam Pāyasānnaṃ ca bhāratyai dadāmi pratigṛhyatām

Apūpān vividhān svādūn śālipiṣṭopapācitān Mṛdulān guḍasammiśrān bhakṣyādīṃśca dadāmi te

Pūgīphala-samāyuktaṃ nāgavallīdalairyutam Karpūracūrṇa-saṃyuktaṃ tāmbūlaṃ pratigṛhyatām

Nīrājanaṃ gṛhāṇa tvaṃ jagadānandadāyini Jagattimiramārtaṇḍamaṇḍale te namo namaḥ

Śārade lokamātastvam āśritābhīṣṭadāyini Puṣpāñjaliṃ gṛhāṇa tvaṃ mayā bhaktyā samarpitam

Yāni kāni ca pāpāni janmāntarakṛtāni ca Tāni tāni vinaśyanti pradakṣiṇa-pade pade