Oṃ keśavāya svāhā | oṃ nārāyaṇāya svāhā | oṃ mādhavāya svāhā Oṃ govindāya namaḥ | oṃ viṣṇave namaḥ | oṃ madhusūdanāya namaḥ | oṃ trivikramāya namaḥ | oṃ vāmanāya namaḥ | oṃ śrīdharāya namaḥ | oṃ hṛṣīkeśāya namaḥ | oṃ padmanābhāya namaḥ | oṃ dāmodarāya namaḥ | oṃ saṅkarṣaṇāya namaḥ | oṃ vāsudevāya namaḥ | oṃ pradyumnāya namaḥ | oṃ aniruddhāya namaḥ | oṃ puruṣottamāya namaḥ | oṃ adhokṣajāya namaḥ | oṃ nārasiṃhāya namaḥ | oṃ acyutāya namaḥ | oṃ janārdanāya namaḥ | oṃ upendrāya namaḥ | oṃ haraye namaḥ | oṃ śrīkṛṣṇāya namaḥ

Śuklāmbaradharaṃ viṣṇuṃ śaśivarṇaṃ caturbhujam Prasannavadanaṃ dhyāyet sarvavighnopaśāntaye

Oṃ bhūḥ --------- suvarom

Mamopātta-samasta-duritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye

Ābrahmalokādāśeṣāt ālokālokaparvatāt Ye vasanti dvijā devāstebhyo nityaṃ namo namaḥ

Pṛthivyā merupṛṣṭha ṛṣiḥ | sutalaṃ chandaḥ | kūrmo devatā | āsane viniyogaḥ

Pṛthvi tvayā dhṛtā lokā devi tvaṃ viṣṇunā dhṛtā Tvaṃ ca dhāraya māṃ devi pavitraṃ cāsanaṃ kuru

Āgamārthaṃ tu devānāṃ gamanārthaṃ tu rakṣasām Ghaṇṭāravaṃ karomyādau devatāhvānakāraṇam

Asmin haridrābimbe śrīvighneśvaraṃ dhyāyāmi

Agajānānapadmārkaṃ gajānanamaharniśam Anekadaṃ taṃ bhaktānām ekadantamupāsmahe

Śrīvighneśvaram āvāhayāmi | āsanaṃ samarpayāmi | pādayoḥ pādyaṃ samarpayāmi | arghyaṃ samarpayāmi | ācamanīyaṃ samarpayāmi | madhuparkaṃ samarpayāmi | snānaṃ samarpayāmi | ācamanīyaṃ samarpayāmi | vastraṃ samarpayāmi | upavītaṃ samarpayāmi | divya-parimala-gandhān dhārayāmi | akṣatān samarpayāmi | puṣpaiḥ pūjayāmi

Sumukhāya namaḥ

Ekadantāya namaḥ

Kapilāya namaḥ

Gajakarṇakāya namaḥ

Lambodarāya namaḥ

Vikaṭāya namaḥ

Vighnarājāya namaḥ

Vināyakāya namaḥ

Dhūmaketave namaḥ

Gaṇādhyakṣāya namaḥ

Phālacandrāya namaḥ

Gajānanāya namaḥ

Vakratuṇḍāya namaḥ

Śūrpakarṇāya namaḥ

Herambāya namaḥ

Skandapūrvajāya namaḥ

Siddhivināyakāya namaḥ

Śrīmahāgaṇapataye namaḥ

Dhūpamāghrāpayāmi | dīpaṃ darśayāmi | naivedyaṃ nivedayāmi | karpūranīrājanaṃ darśayāmi | samastopacārapūjāṃ samarpayāmi

Vakratuṇḍa mahākāya sūryakoṭi samaprabha Avighnaṃ kuru me deva sarva kāryeṣu sarvadā

Oṃ bhūḥ --------- suvarom

Śrīvighneśvarāya namaḥ yathāsthānaṃ pratiṣṭhāpayāmi | śobhanārthe kṣemāya punarāgamanāya ca

Gaṅge ca yamune caiva godāvari sarasvati Narmade sindhu kāveri jale'smin sannidhiṃ kuru

Gaṅgāyai namaḥ | yamunāyai namaḥ | godāvaryai namaḥ | sarasvatyai namaḥ | narmadāyai namaḥ | sindhave namaḥ | kāveryai namaḥ

Tvaṃ purā sāgarotpanno viṣṇunā vidhṛtaḥ kare Devaiśca pūjitaḥ sarvaiḥ pāñcajanya namo'stu te

Deho devālayaḥ prokto jīvo devaḥ sanātanaḥ Tyajāmyajñānanirmālyaṃ so'haṃbhāvena pūjaye

Oṃ sakalaguṇātmaśaktiyuktāya yogapīṭhāya namaḥ | oṃ ādhāraśaktyai namaḥ | oṃ mūlaprakṛtyai namaḥ | oṃ ādivarāhāya namaḥ | oṃ ādikūrmāya namaḥ | oṃ anantāya namaḥ | oṃ pṛthivyai namaḥ | oṃ ādityādi-navagrahadevatābhyo namaḥ | oṃ daśadikpālebhyo namaḥ

Gururbrahmā gururviṣṇur gururdevo maheśvaraḥ Guruḥ sākṣāt paraṃ brahma tasmai śrīgurave namaḥ

Śrīguruṃ dhyāyāmi

Dhyāyet sūryamanantaśaktikiraṇaṃ tejo'malaṃ bhāskaraṃ Bhaktānāmabhayapradaṃ dinakaraṃ jyotirmayaṃ śaṅkaram Ādityaṃ jagadīśamacyutamajaṃ trailokyacūḍāmaṇiṃ Bhaktābhīṣṭavarapradaṃ dinamaṇiṃ mārtāṇḍamādyaṃ śubham

Dvibhujaṃ padmahastaṃ ca varadaṃ makuṭānvitam Dhyāyed divākaraṃ devaṃ sarvābhīṣṭapradāyakam

Raktāmbhodhisthapotollasadaruṇasarojādhirūḍhā karābjaiḥ Pāśaṃ kodaṇḍamikṣūdbhavamal̤iguṇamapyaṅkuśaṃ pañcabāṇān Bibhrāṇāsṛk kapālaṃ trinayanalasitā pīnavakṣoruhāḍhyā Devī bālārkavarṇā bhavatu sukhakarī prāṇaśaktiḥ parā naḥ

Āvāhayāmi deveḍyamāśritābhīṣṭadāyinam Ādityamakhilārādhyamārtatrāṇaparāyaṇam

Āsanaṃ saṃgṛhāṇedaṃ dvādaśātman divākara Chāyānāyaka lokeśa mayā bhaktyā samarpitam

Pādyaṃ dadāmi padmādisugandhikusumairyutam Padmabandho gṛhāṇa tvaṃ prabhākara namo'stu te

Arghyaṃ gṛhṇīṣva bhagavan gandhadūrvādimiśritam Aghanāśaka deveśa haridaśva rave mudā

Dadāmyācamanaṃ tubhyaṃ carācaravibodhaka Bhaktyā'haṃ bhāskarāyādya jagaddhvāntavināśaka

Madhvājyadadhisaṃyuktaṃ madhuparkaṃ prabhākara Lokanātha mayā dattaṃ gṛhāṇa munisevita

Madhvājyaśarkarāyuktaṃ phalakṣīrasamanvitam Pañcāmṛtaṃ pradāsyāmi sarvalokasupūjita

Vedātmane namastubhyaṃ jagadānandadāyine Nadīvimalatoyaistvāṃ snāpaye'haṃ vibhāvaso

Divyāmbarayugaṃ sūkṣmaṃ hemasūtravirājitam Svīkuruṣva navaṃ vastraṃ divākara mayā'rpitam

Brahmaviṣṇumaheśānavapuṣe viśvacakṣuṣe Sākṣiṇe karmaṇāṃ tubhyamupavītaṃ dadāmyaham

Gṛhṇīṣva bhūṣaṇaṃ pūṣan mudā devagaṇairnuta Hārakuṇḍalakeyūrakirīṭavalayādikam

Śrīgandhaṃ kuṅkumopetaṃ karpūreṇa samanvitam Gṛhāṇa karuṇāvārdhe lokabandho divākara

Prāṇikarmasākṣibhūta bhaktānāmabhayaprada Akṣatān pratigṛhṇīṣva grahāṇāmīśa bhāskara

Paṅkeruhapriyaṃ puṣpairmallikāvakulādibhiḥ Sevantikāpārijātaiḥ pūjayāmi mudā ravim

Daśāṅgavāsito dhūpaḥ sugandhaḥ surasevita Gṛhyatāmarpito bhaktyā mayā sūrya divākara

Sājyavartisamāyuktamandhakāranivāraka Dīpaṃ gṛhāṇa ghumaṇe tejorāśe guṇārṇava

Naivedyaṃ ṣaḍrasopetamikṣudaṇḍasamanvitam Pāyasānnaṃ ca samprītyā gṛhyatāṃ grahanāyaka

Pūgīphalasamāyuktaṃ nāgavallīdalairyutam Karpūracūrṇasaṃyuktaṃ tāmbūlaṃ pratigṛhyām

Karpūrakhaṇḍakalitaṃ nīrājanamidaṃ mudā Nabhomaṇe gṛhāṇa tvaṃ gāḍhadhvāntavināśaka

Namo vedasvarūpāya bhānave karmasākṣiṇe Puṣpāñjaliṃ pradāsyāmi bhaktyā tubhyaṃ divākara

Yāni kāni ca pāpāni janmāntarakṛtāni ca Tāni tāni vinaśyanti pradakṣiṇa-pade pade

Dhṛtapadmadvayaṃ bhānuṃ tejomaṇḍalamadhyagam Sarvādhivyādhiśamanaṃ chāyāśliṣṭatanuṃ bhaje

Jayāya jayabhadrāya haryaśvāya namo namaḥ Namo namaḥ sahasrāṃśo ādityāya namo namaḥ

Nama ugrāya vīrāya sāraṅgāya namo namaḥ Namaḥ padmaprabodhāya mārtaṇḍāya namo namaḥ

Sauramaṇḍalamadhyasthaṃ sāmbaṃ saṃsārabheṣajam Nīlagrīvaṃ virūpākṣaṃ namāmi śivamavyayam

Dhyeyaḥ sadā savitṛmaṇḍala-madhyavartī Nārāyaṇaḥ sarasi-jāsana-sanniviṣṭaḥ Keyūravān makarakuṇḍalavān kirīṭī Hārī hiraṇmayavapurdhṛtaśaṅkhacakraḥ