Bhujangam · Murugan·संस्कृतम्

1. 1

   ஸதா பாலரூபாபி விக்நாத்ரிஹந்த்ரீ மஹாதந்திவக்த்ராபி பஞ்சாஸ்யமாந்யா । விதீந்த்ராதிம்ருக்யா கணேஶாபிதா மே விதத்தாம் ஶ்ரியம் காபி கல்யாணமூர்திஃ ॥

   Sadā bālarūpā'pi vighnādrihantrī mahādantivaktrā'pi pañcāsyamānyā | vidhīndrādimṛgyā gaṇeśābhidhā me vidhattāṃ śriyaṃ kā'pi kalyāṇamūrtiḥ ||

2. 2

   ந ஜாநாமி ஶப்தம் ந ஜாநாமி சார்தம் ந ஜாநாமி பத்யம் ந ஜாநாமி கத்யம் । சிதேகா ஷடாஸ்யா ஹ்ருதி த்யோததே மே முகாந்நிஃஸரந்தே கிரஶ்சாபி சித்ரம் ॥

   Na jānāmi śabdaṃ na jānāmi cārthaṃ na jānāmi padyaṃ na jānāmi gadyam | cidekā ṣaḍāsyā hṛdi dyotate me mukhānniḥsarante giraścāpi citram ||

3. 3

   மயூராதிரூடம் மஹாவாக்யகூடம் மநோஹாரிதேஹம் மஹச்சித்தகேஹம் । மஹீதேவதேவம் மஹாவேதபாவம் மஹாதேவபாலம் பஜே லோகபாலம் ॥

   Mayūrādhirūḍhaṃ mahāvākyagūḍhaṃ manohāridehaṃ mahaccittageham | mahīdevadevaṃ mahāvedabhāvaṃ mahādevabālaṃ bhaje lokapālam ||

4. 4

   யதா ஸந்நிதாநம் கதா மாநவா மே பவாம்போதிபாரம் கதாஸ்தே ததைவ । இதி வ்யஞ்ஜயந்ஸிந்துதீரே ய ஆஸ்தே தமீடே பவித்ரம் பராஶக்திபுத்ரம் ॥

   Yadā sannidhānaṃ gatā mānavā me bhavāmbhodhipāraṃ gatāste tadaiva | iti vyañjayansindhutīre ya āste tamīḍe pavitraṃ parāśaktiputram ||

5. 5

   யதாப்தேஸ்தரங்கா லயம் யாந்தி துங்காஸ்ததைவாபதஃ ஸந்நிதௌ ஸேவதாம் மே இதீவோர்மிபங்க்தீர்ந்ருணாம் தர்ஶயந்தம் ஸதா பாவயே ஹ்ருத்ஸரோஜே குஹம் தம் ॥

   Yathābdhestaraṅgā layaṃ yānti tuṅgāstathaivāpadaḥ sannidhau sevatāṃ me itīvormipaṅktīrnṛṇāṃ darśayantaṃ sadā bhāvaye hṛtsaroje guhaṃ tam ||

6. 6

   கிரௌ மந்நிவாஸே நரா யேதிரூடாஸ்ததா பர்வதே ராஜதே தேதிரூடாஃ இதீவ ப்ருவந்கந்தஶைலாதிரூடஃ ஸ தேவோ முதே மே ஸதா ஷண்முகோஸ்து ॥

   Girau mannivāse narā ye'dhirūḍhāstadā parvate rājate te'dhirūḍhāḥ itīva bruvangandhaśailādhirūḍhaḥ sa devo mude me sadā ṣaṇmukho'stu ||

7. 7

   மஹாம்போதிதீரே மஹாபாபசோரே முநீந்த்ராநுகூலே ஸுகந்தாக்யஶைலே । குஹாயாம் வஸந்தம் ஸ்வபாஸா லஸந்தம் ஜநார்திம் ஹரந்தம் ஶ்ரயாமோ குஹம் தம் ॥

   Mahāmbhodhitīre mahāpāpacore munīndrānukūle sugandhākhyaśaile | guhāyāṃ vasantaṃ svabhāsā lasantaṃ janārtiṃ harantaṃ śrayāmo guhaṃ tam ||

8. 8

   லஸத்ஸ்வர்ணகேஹே ந்ருணாம் காமதோஹே ஸுமஸ்தோமஸஞ்சந்நமாணிக்யமஞ்சே । ஸமுத்யத்ஸஹஸ்ரார்கதுல்யப்ரகாஶம் ஸதா பாவயே கார்திகேயம் ஸுரேஶம் ॥

   Lasatsvarṇagehe nṛṇāṃ kāmadohe sumastomasañchannamāṇikyamañce | samudyatsahasrārkatulyaprakāśaṃ sadā bhāvaye kārtikeyaṃ sureśam ||

9. 9

   ரணத்தம்ஸகே மஞ்ஜுலேத்யந்தஶோணே மநோஹாரிலாவண்யபீயூஷபூர்ணே । மநஃஷட்।ஹ்பதோ மே பவக்லேஶதப்தஃ ஸதா மோததாம் ஸ்கந்த தே பாதபத்மே ॥

   Raṇaddhaṃsake mañjule'tyantaśoṇe manohārilāvaṇyapīyūṣapūrṇe | manaḥṣaṭ|hpado me bhavakleśataptaḥ sadā modatāṃ skanda te pādapadme ||

10. 10

    ஸுவர்ணாபதிவ்யாம்பரைர்பாஸமாநாம் க்வணத்கிங்கிணீமேகலாஶோபமாநாம் । லஸத்தேமபட்டேந வித்யோதமாநாம் கடிம் பாவயே ஸ்கந்த தே தீப்யமாநாம் ॥

    Suvarṇābhadivyāmbarairbhāsamānāṃ kvaṇatkiṅkiṇīmekhalāśobhamānām | lasaddhemapaṭṭena vidyotamānāṃ kaṭiṃ bhāvaye skanda te dīpyamānām ||

11. 11

    புலிந்தேஶகந்யாகநாபோகதுங்கஸ்தநாலிங்கநாஸக்தகாஶ்மீரராகம் நமஸ்யாம்யஹம் தாரகாரே தவோரஃ ஸ்வபக்தாவநே ஸர்வதா ஸாநுராகம் ॥

    Pulindeśakanyāghanābhogatuṅgastanāliṅganāsaktakāśmīrarāgam namasyāmyahaṃ tārakāre tavoraḥ svabhaktāvane sarvadā sānurāgam ||

12. 12

    விதௌ க்லு'ப்ததண்டாந் ஸ்வலீலாத்ருதாண்டாந்நிரஸ்தேபஶுண்டாந் த்விஷத்காலதண்டாந் ஹதேந்த்ராரிஷண்டாஞ்ஜகத்த்ராணஶௌண்டாந் ஸதா தே ப்ரசண்டாந் ஶ்ரயே பாஹுதண்டாந் ॥

    Vidhau kḷptadaṇḍān svalīlādhṛtāṇḍānnirastebhaśuṇḍān dviṣatkāladaṇḍān hatendrāriṣaṇḍāñjagattrāṇaśauṇḍān sadā te pracaṇḍān śraye bāhudaṇḍān ||

13. 13

    ஸதா ஶாரதாஃ ஷண்ம்ருகாங்கா யதி ஸ்யுஃ ஸமுத்யந்த ஏவ ஸ்திதாஶ்சேத்ஸமந்தாத் ஸதா பூர்ணபிம்பாஃ கலங்கைஶ்ச ஹீநாஸ்ததா த்வந்முகாநாம் ப்ருவே ஸ்கந்த ஸாம்யம் ॥

    Sadā śāradāḥ ṣaṇmṛgāṅkā yadi syuḥ samudyanta eva sthitāścetsamantāt sadā pūrṇabimbāḥ kalaṅkaiśca hīnāstadā tvanmukhānāṃ bruve skanda sāmyam ||

14. 14

    ஸ்புரந்மந்தஹாஸைஃ ஸஹம்ஸாநி சஞ்சத்கடாக்ஷாவலீப்ருங்கஸங்கோஜ்ஜ்வலாநி ஸுதாஸ்யந்திபிம்பாதராணீஶஸூநோ தவாலோகயே ஷண்முகாம்போருஹாணி ॥

    Sphuranmandahāsaiḥ sahaṃsāni cañcatkaṭākṣāvalībhṛṅgasaṅghojjvalāni sudhāsyandibimbādharāṇīśasūno tavālokaye ṣaṇmukhāmbhoruhāṇi ||

15. 15

    விஶாலேஷு கர்ணாந்ததீர்கேஷ்வஜஸ்ரம் தயாஸ்யந்திஷு த்வாதஶஸ்வீக்ஷணேஷு மயீஷத்கடாக்ஷஃ ஸக்ருத்பாதிதஶ்சேத்பவேத்தே தயாஶீல கா நாம ஹாநிஃ ॥

    Viśāleṣu karṇāntadīrgheṣvajasraṃ dayāsyandiṣu dvādaśasvīkṣaṇeṣu mayīṣatkaṭākṣaḥ sakṛtpātitaścedbhavette dayāśīla kā nāma hāniḥ ||

16. 16

    ஸுதாங்கோத்பவோ மேஸி ஜீவேதி ஷட்தா ஜபந்மந்த்ரமீஶோ முதா ஜிக்ரதே யாந் । ஜகத்பாரப்ருத்ப்யோ ஜகந்நாத தேப்யஃ கிரீடோஜ்ஜ்வலேப்யோ நமோ மஸ்தகேப்யஃ ॥

    Sutāṅgodbhavo me'si jīveti ṣaḍdhā japanmantramīśo mudā jighrate yān | jagadbhārabhṛdbhyo jagannātha tebhyaḥ kirīṭojjvalebhyo namo mastakebhyaḥ ||

17. 17

    ஸ்புரத்ரத்நகேயூரஹாராபிராமஶ்சலத்குண்டலஶ்ரீலஸத்கண்டபாகஃ கடௌ பீதவாஸாஃ கரே சாருஶக்திஃ புரஸ்தாந்மமாஸ்தாம் புராரேஸ்தநூஜஃ ॥

    Sphuradratnakeyūrahārābhirāmaścalatkuṇḍalaśrīlasadgaṇḍabhāgaḥ kaṭau pītavāsāḥ kare cāruśaktiḥ purastānmamāstāṃ purārestanūjaḥ ||

18. 18

    இஹாயாஹி வத்ஸேதி ஹஸ்தாந்ப்ரஸார்யாஹ்வயத்யாதராச்சங்கரே மாதுரங்காத் ஸமுத்பத்ய தாதம் ஶ்ரயந்தம் குமாரம் ஹராஶ்லிஷ்டகாத்ரம் பஜே பாலமூர்திம் ॥

    Ihāyāhi vatseti hastānprasāryāhvayatyādarācchaṅkare māturaṅkāt samutpatya tātaṃ śrayantaṃ kumāraṃ harāśliṣṭagātraṃ bhaje bālamūrtim ||

19. 19

    குமாரேஶஸூநோ குஹ ஸ்கந்த ஸேநாபதே ஶக்திபாணே மயூராதிரூட புலிந்தாத்மஜாகாந்த பக்தார்திஹாரிந் ப்ரபோ தாரகாரே ஸதா ரக்ஷ மாம் த்வம் ॥

    Kumāreśasūno guha skanda senāpate śaktipāṇe mayūrādhirūḍha pulindātmajākānta bhaktārtihārin prabho tārakāre sadā rakṣa māṃ tvam ||

20. 20

    ப்ரஶாந்தேந்த்ரியே நஷ்டஸம்ஜ்ஞே விசேஷ்டே கபோத்காரிவக்த்ரே பயோத்கம்பிகாத்ரே । ப்ரயாணோந்முகே மய்யநாதே ததாநீம் த்ருதம் மே தயாலோ பவாக்ரே குஹ த்வம் ॥

    Praśāntendriye naṣṭasaṃjñe viceṣṭe kaphodgārivaktre bhayotkampigātre | prayāṇonmukhe mayyanāthe tadānīṃ drutaṃ me dayālo bhavāgre guha tvam ||

21. 21

    க்ருதாந்தஸ்ய தூதேஷு சண்டேஷு கோபாத்தஹ ச்சிந்த்தி பிந்த்தீதி மாம் தர்ஜயத்ஸு மயூரம் ஸமாருஹ்ய மா பைரிதி த்வம் புரஃ ஶக்திபாணிர்மமாயாஹி ஶீக்ரம் ॥

    Kṛtāntasya dūteṣu caṇḍeṣu kopāddaha cchinddhi bhinddhīti māṃ tarjayatsu mayūraṃ samāruhya mā bhairiti tvaṃ puraḥ śaktipāṇirmamāyāhi śīghram ||

22. 22

    ப்ரணம்யாஸக்ருத்பாதயோஸ்தே பதித்வா ப்ரஸாத்ய ப்ரபோ ப்ரார்தயேநேகவாரம் । ந வக்தும் க்ஷமோஹம் ததாநீம் க்ருபாப்தே ந கார்யாந்தகாலே மநாகப்யுபேக்ஷா ॥

    Praṇamyāsakṛtpādayoste patitvā prasādya prabho prārthaye'nekavāram | na vaktuṃ kṣamo'haṃ tadānīṃ kṛpābdhe na kāryāntakāle manāgapyupekṣā ||

23. 23

    ஸஹஸ்ராண்டபோக்தா த்வயா ஶூரநாமா ஹதஸ்தாரகஃ ஸிம்ஹவக்த்ரஶ்ச தைத்யஃ । மமாந்தர்ஹ்ருதிஸ்தம் மநஃக்லேஶமேகம் ந ஹம்ஸி ப்ரபோ கிம் கரோமி க்வ யாமி ॥

    Sahasrāṇḍabhoktā tvayā śūranāmā hatastārakaḥ siṃhavaktraśca daityaḥ | mamāntarhṛdisthaṃ manaḥkleśamekaṃ na haṃsi prabho kiṃ karomi kva yāmi ||

24. 24

    அஹம் ஸர்வதா துஃகபாராவஸந்நோ பவாந்தீநபந்துஸ்த்வதந்யம் ந யாசே । பவத்பக்திரோதம் ஸதா க்லு'ப்தபாதம் மமாதிம் த்ருதம் நாஶயோமாஸுத த்வம் ॥

    Ahaṃ sarvadā duḥkhabhārāvasanno bhavāndīnabandhustvadanyaṃ na yāce | bhavadbhaktirodhaṃ sadā kḷptabādhaṃ mamādhiṃ drutaṃ nāśayomāsuta tvam ||

25. 25

    அபஸ்மாரகுஷ்டக்ஷயார்ஶஃ ப்ரமேஹஜ்வரோந்மாதகுல்மாதிரோகா மஹாந்தஃ பிஶாசாஶ்ச ஸர்வே பவத்பத்ரபூதிம் விலோக்ய க்ஷணாத்தாரகாரே த்ரவந்தே ॥

    Apasmārakuṣṭhakṣayārśaḥ pramehajvaronmādagulmādirogā mahāntaḥ piśācāśca sarve bhavatpatrabhūtiṃ vilokya kṣaṇāttārakāre dravante ||

26. 26

    த்ருஶி ஸ்கந்தமூர்திஃ ஶ்ருதௌ ஸ்கந்தகீர்திர்முகே மே பவித்ரம் ஸதா தச்சரித்ரம் கரே தஸ்ய க்ருத்யம் வபுஸ்தஸ்ய ப்ருத்யம் குஹே ஸந்து லீநா மமாஶேஷபாவாஃ ॥

    Dṛśi skandamūrtiḥ śrutau skandakīrtirmukhe me pavitraṃ sadā taccaritram kare tasya kṛtyaṃ vapustasya bhṛtyaṃ guhe santu līnā mamāśeṣabhāvāḥ ||

27. 27

    முநீநாமுதாஹோ ந்ருணாம் பக்திபாஜாமபீஷ்டப்ரதாஃ ஸந்தி ஸர்வத்ர தேவாஃ ந்ருணாமந்த்யஜாநாமபி ஸ்வார்ததாநே குஹாத்தேவமந்யம் ந ஜாநே ந ஜாநே ॥

    Munīnāmutāho nṛṇāṃ bhaktibhājāmabhīṣṭapradāḥ santi sarvatra devāḥ nṛṇāmantyajānāmapi svārthadāne guhāddevamanyaṃ na jāne na jāne ||

28. 28

    கலத்ரம் ஸுதா பந்துவர்கஃ பஶுர்வா நரோ வாத நாரி க்ருஹே யே மதீயாஃ । யஜந்தோ நமந்தஃ ஸ்துவந்தோ பவந்தம் ஸ்மரந்தஶ்ச தே ஸந்து ஸர்வே குமார ॥

    Kalatraṃ sutā bandhuvargaḥ paśurvā naro vātha nāri gṛhe ye madīyāḥ | yajanto namantaḥ stuvanto bhavantaṃ smarantaśca te santu sarve kumāra ||

29. 29

    ம்ருகாஃ பக்ஷிணோ தம்ஶகா யே ச துஷ்டாஸ்ததா வ்யாதயோ பாதகா யே மதங்கே பவச்சக்திதீக்ஷ்ணாக்ரபிந்நாஃ ஸுதூரே விநஶ்யந்து தே சூர்ணிதக்ரௌஞ்சஶைல ॥

    Mṛgāḥ pakṣiṇo daṃśakā ye ca duṣṭāstathā vyādhayo bādhakā ye madaṅge bhavacchaktitīkṣṇāgrabhinnāḥ sudūre vinaśyantu te cūrṇitakrauñcaśaila ||

30. 30

    ஜநித்ரீ பிதா ச ஸ்வபுத்ராபராதம் ஸஹேதே ந கிம் தேவஸேநாதிநாத । அஹம் சாதிபாலோ பவாந் லோகதாதஃ க்ஷமஸ்வாபராதம் ஸமஸ்தம் மஹேஶ ॥

    Janitrī pitā ca svaputrāparādhaṃ sahete na kiṃ devasenādhinātha | ahaṃ cātibālo bhavān lokatātaḥ kṣamasvāparādhaṃ samastaṃ maheśa ||

31. 31

    நமஃ கேகிநே ஶக்தயே சாபி துப்யம் நமஶ்சாக துப்யம் நமஃ குக்குடாய । நமஃ ஸிந்தவே ஸிந்துதேஶாய துப்யம் புநஃ ஸ்கந்தமூர்தே நமஸ்தே நமோஸ்து ॥

    Namaḥ kekine śaktaye cāpi tubhyaṃ namaśchāga tubhyaṃ namaḥ kukkuṭāya | namaḥ sindhave sindhudeśāya tubhyaṃ punaḥ skandamūrte namaste namo'stu ||

32. 32

    ஜயாநந்தபூமஞ்ஜயாபாரதாமஞ்ஜயாமோககீர்தே ஜயாநந்தமூர்தே ஜயாநந்தஸிந்தோ ஜயாஶேஷபந்தோ ஜய த்வம் ஸதா முக்திதாநேஶஸூநோ ॥

    Jayānandabhūmañjayāpāradhāmañjayāmoghakīrte jayānandamūrte jayānandasindho jayāśeṣabandho jaya tvaṃ sadā muktidāneśasūno ||

33. 33

    புஜங்காக்யவ்ருத்தேந க்லு'ப்தம் ஸ்தவம் யஃ படேத்பக்தியுக்தோ குஹம் ஸம்ப்ரணம்ய ஸுபுத்ராந்கலத்ரம் தநம் தீர்கமாயுர்லபேத்ஸ்கந்தஸாயுஜ்யமந்தே நரஃ ஸஃ ॥

    Bhujaṅgākhyavṛttena kḷptaṃ stavaṃ yaḥ paṭhedbhaktiyukto guhaṃ sampraṇamya suputrānkalatraṃ dhanaṃ dīrghamāyurlabhetskandasāyujyamante naraḥ saḥ ||